Sugatan ang 3-katao dahil sa aksidente sa pagitan ng jeep at van sa Quezon City kaninang umaga.
Batay sa report, binangga ng l-300 na van ang nag-u-turn na jeep sa may Quezon Avenue sa lungsod.
Dahil dito, tumagilid ang van sa kalsada at kinalaunan ay napag-alaman na sugatan ang drayber at dalawa nitong sakay.
Ayon sa drayber ng jeep, susunduin niya sana ang kanyang anak galing trabaho, peron nang mag-turn ito, ay siya namang binangga ng humaharurot na van.
Dipensa naman ng van driver na naghahatid-sundo rin ng mga empleyado ng isang kumpanya, hindi aniya mabilis ang pakpapatakbo nito sa kanyang minamanehong van.
Kasunod nito, agad namang nadala sa pinakamalapit na pagamutan ang mga sugatang biktima.
