Isinailalim na sa state of calamity ang syam na bayan sa Eastern Samar na lubhang nasalanta ng Bagyong Ambo.
Ito ay ang mga bayan ng Arteche, San Policarpo, Jipapad, Oras, Maslog, Dolores, Can-Avid, Taft at Sulat.
Batay sa paunang datos, nasa mahigit sa 34,000 pamilya sa syam na bayan ang nawalan ng tirahan.
Ayon kay Eastern Samar Governor Ben Evardone, sumulat na sya sa National Housing Authority upang mabigyan sila ng housing materials.
Dumulog na rin anya sila sa Department of Social Welfare and Development (DSWD) para sa cash and food for work assistance para sa mga residente.
