Muling tiniyak ng Meralco na hindi sila magsasagawa ng disconnection kaya’t tuloy-tuloy ang suplay ng kuryente sa mga kabahayan.
Sa harap ito ng pagdagsa ng reklamo na halos 600% ang itinaas ng kanilang bill sa kuryente.
Ayon kay Joe Zaldarriaga, spokesman ng Meralco, tantya lamang ang konsumo ng kuryente para sa Marso at Abril na isinama ngayong Mayo.
Magse-self-correct anya ito dahil lalabas na sa susunod na bill ang aktuwal na konsumo kapag nakapagsagawa na ng reading ng metro.
Gayunman, sinabi ni Zaldarriaga na bukas ang kanilang tangapan para tumanggap ng mga reklamo at katanungan hinggil sa Meralco bill.
