Pinawi ng Phivolcs ang pangamba na nanganganib na namang lumakas ang aktibidad sa Taal volcano.
Ito ay matapos makapagtala ang Phivolcs ng halos 39 na pagyanig sa Mabini, Batangas, area ng bulkan.
Ayon kay Phivolcs Director Renato Solidum, nananatili sa alert level 1 ang estado ng Taal Volcano.
Ang mga pagyanig anya ay walang relasyon sa aktibidad ng bulkan kundi bunga ng paggalaw ng Mabini fault.
