Target ng gobyerno na magkaroon man lang kahit isang ospital kada rehiyon na tutugon sa gamutan ng mga pasyenteng tinamaan ng coronavirus disease 2019 (COVID-19).
Ayon kay Health Undersecretary Maria Rosario Vergeire ito ay para mas mapalakas ang pwersa sa paglaban sa pagkalat ng sakit.
Sa ngayon aniya ay mayroon na silang 75 ospital na tinitingnan sa iba’t ibang rehiyon.
Patuloy umano ang pakikipag-ugnayan ng Department of Health (DOH) sa mga ospital na ito.
