Inaasahang makababalik na ng Pilipinas ang 22 pang mga Filipinong sakay ng Diamond Princess cruise ship sa Japan matapos gumaling mula sa COVID-19 infection.
Ayon kay Health Assistant Secretary Maria Rosario Vergeire, 32 sa 80 mga Filipinong kumpirmadong nagkaroon ng COVID-19 habang sakay ng cruise ship ang nakarekober na mula sa virus.
Sampu naman sa mga ito ang nauna nang nakauwi ng Pilipinas noong Pebrero 25.
Sinabi ni Vergeire, isinasaayos na ng embahada ng Pilipinas sa Japan at Department of Foreign Affairs ang pagbabalik bansa ng mga nabanggit na gumaling nang Pinoy.
Samantala, nanatili naman aniyang naka-admit sa mga ospital sa Japan ang nalalabi pang 43 Filipinong may COVID-19. — ulat mula kay Cely Ortega-Bueno (19)
