Tiwala ang Palasyo ng Malakanyang na maayos na mairaraos ng bansa ang pag ho-host ng 30th Southeast Asian Games.
Ito ay sa kabila ng mga aberyang naitala sa pagsisimula ng naturang sports tournament katulad ng problema sa pagkain, transportasyon at hotel accomodation.
Ayon kay Presidential Spokesperson Salvador Panelo, para maging matagumpay ang pagho-host ay kailangan lang na magtulungan ang lahat hanggang sa huling araw ng SEA Games.
Iginiit naman ng kalihim na pursigido si Pangulong Rodrigo Duterte na imbestigahan ang mga alegasyon ng kurapsiyon hinggil dito.
Sa ngayon aniya ay dapat munang magbigay ng suporta ang lahat sa mga atletang Pilipinong lalaban sa SEA Games. — ulat mula kay Jopel Pelenio (Patrol 17).
