Malabo nang payagan ng Palasyo ng Malakanyang ang mga pribadong organisasyon na humawak ng mga international events.
Ito ay matapos ang mga aberyang naganap sa 30th South East Asian Games (SEA Games).
Ayon kay Presidential Spokesperson Salvador Panelo, dahil sa mga nangyaring problema ay posibleng hindi na muling umeksena ang pribadong sektor dahil natuto na ang pamahalaan.
Magugunitang bukod sa SEA Games ay magiging host country rin ang Pilipinas ng FIBA World Cup sa taong 2023 kasama ang Indonesia at Japan.
