Pinamamadali na ni Pangulong Rodrigo Duterte sa Food and Drug Administration o FDA ang clinical trial ng gamot na ivermectin.
Sa kaniyang “talk to the people” sinabi nito kay FDA Director Gen. Eric domingo na bilisan ang pag-aaral sa ivermectin.
Ito aniya ay para sakaling makitang epektibo ito laban sa COVID-19 ay magamit agad ng mga dinapuan ng virus.
Kahit aniya limampung porsyento lamang nitong mababawasan ang risk sa pagkakaroon ng malalang COVID-19, ito ay magiging malaking tulong na.
Dagdag ng Pangulo marami na rin ang nagsabi sa kaniya na gumaling mula sa COVID-19 makaraang uminom ng ivermectin.
