Nananatiling mataas ang trust at approval ratings nina Pangulong Ferdinand Marcos Jr., at Vice President Sara Duterte.
Batay sa pahayag second quarter survey ng PUBLiCUS Asia, nakakuha si Pangulong Marcos ng 62% approval rating, na mas mataas kumpara sa 60% na natanggap nito noong unang quarter.
Bahagyang bumaba ang approval rating ni PBBM sa North Central Luzon sa 60% mula sa dating 68% habang umakyat sa 71% ang approval rating nito sa Visayas mula sa 60%.
Napanatili naman ni VP Sara ang approval rating na 67% ngunit bumulusok rin ang rating nito sa North Central Luzon na kasalukuyang nasa 61% mula sa dating 70%.
Samantala, nakakuha naman ng 64% na performance approval rating ang mga miyembro ng gabinete ni Pangulong Marcos.