Binigyan ng hanggang September 30 ng Commission on Elections (COMELEC) ang mga partido at grupo na nais magsumite ng written request para sa source code review ng halos 100,000 OMR o Optical Mark Reader.
Ayon sa COMELEC, kailangang kasali ang grupo sa political parties o coalition ng mga partido na rehistrado sa kanila o lehitimong organisasyon o grupo na COMELEC accredited.
Ang mga accredited group ay kinabibilangan ng dalawang information technology group na inirekomenda ng COMELEC Advisory Council.
Kasama sa mga ire-review ang source codes ng VCM o Vote Counting Machine, CCS o Consolidated Canvassing System at EMS o Election Management System.
By Judith Larino