Inilabas na ng Philippine Overseas Employment Administration (POEA) ang listahan ng mga pekeng facebook account na naglalabas ng maling impormasyon hinggil sa job hiring sa ibang bansa.
Ayon kay POEA Administrator Bernard P. Olalia ginagamit ng mga ito ang logo ng kanilang ahensya at naglalabas ng anunsyo ng job vacancies sa Australia, Canada, Germany, Japan, New Zealand at United States.
Aniya, ang mga ito ay ang mga sumusunod:
-POEA job hirings in New Zealand
-POEA jobs online
-OFW POEA jobs abroad
-POEA jobs abroad
-POEA job hiring USA
-POEA job hiring Australia
-POEA job hiring UK
-POEA job agency hiring
-POEA trabaho abroad hiring
-POEA jobs in Dubai
-work abroad-POEA licensed company
-POEA accredited licensed agency
Muling ipinaalala ni Olalia na tanging ang account na facebook.com/poea.gov.ph na may blue na checkmark ang nag iisa nilang facebook account.
