Sinalakay ng Philippine National Police (PNP) ang tanggapan ng Bayan o Bagong Alyansang Makabayan sa Tondo, Maynila.
Dakong ala-una ng madaling araw nang pasukin ng mga pulis ang tanggapan at arestuhin ang tatlo sa mga aktibistang naroon.
Kinilala ang mga naarestong aktibista na sina Ram Carlo Bautista, Bayan Manila campaign director; Alma Moran, secretariat ng Manila Workers Unity; at Ina Nacino, Kadamay Manila coordinator.
Batay sa paunang impormasyon, may impormasyon di umano ang pulisya hinggil sa mga baril at bomba sa tanggapan ng Bayan. — ulat ni Jaymark Dagala (Patrol 9)
