Inihihirit ng isang coalition party sa Italy ang pagpapababa sa 16 years old ng minimum na edad ng pagboto sa kanilang bansa.
Inihain ang panukala ni dating Italy Prime Minister Enrico Letta matapos makitang ilang mga kabataan ang sumasama sa mga pagkilos sa iba’t ibang lungsod sa buong mundo para hingin ang isang matibay na aksyon laban sa climate change.
Ayon kay Letta, isang paraan ang pagbaba sa minimum age ng pagboto sa kanilang bansa para ipakitang sineseryoso at pinakikinggan nila ang tinig ng mga kabataan.
Sa kasalukuyan, kinakailangang 18 years old ang edad ng isang botante sa Italy para makaboto ng kinatawan sa lower congress at 25 years old naman para makaboto sa halalan ng mga senador.
