Nahuli ng mga pulis ang umano’y “lookout” ng drug queen na si Guia Gomez Castro sa Sampaloc, Maynila kagabi.
Naaresto ito sa Barangay 484 sa Sampaloc kung saan dating nagsilbing barangay captain ang tinaguriang drug queen.
Ayon kay Manila Police District Station 4 Commander Police Lieutenant Coronel Robert Domingo, nakuha sa suspect na si Marlon Dela Cruz ang walong sachet ng shabu at 500 pisong marked money.
Si Dela Cruz ang umano’y nagpatakbo ng iligal na gawain sa barangay noong nakaupo pa sa pwesto si Castro.
Matatandaang una nang sinabi ng mga otoridad na sangkot si Castro sa transaksyon ng iligal na droga kasama ang mga umano’y ninja cops.
