Pinakakasuhan ng Ombudsman ang 3 dating opisyal ng Department of Education (DepEd) sa Tagum City, Davao del Norte.
Kaugnay ito sa umano’y maanomalyang pagbili ng 32 units ng cellphone na nagkakahalaga ng mahigit P300,000 noong 2007.
Sa resolusyong inilabas ng Ombudsman, kinilala nito ang mga pinakakasuhan na sina dating DepEd Tagum City Schools Division Superintendents Aurora Cubero at Salvacion yumang gayundin si dating Administrative Officer Emma Betonio.
Lumalabas sa imbestigasyon ng Ombudsman na ang mga respondents ay sangkot sa pagbili ng mga nasabing cellphone matapos igiit na kailangang kailangan o for official use ang mga ito.
By Judith Larino