Iginiit ni dating DILG Secretary Mar Roxas na naayon ang Implementing Rules and Regulation (IRR) ng Good Conduct Time Allowance (GCTA).
Ito ay matapos humingi ng paliwanag ang Ombudsman mula kina Roxas at Senadora Leila De Lima kung bakit hindi naaprubahan ang isang probisyon sa IRR ng naturang batas.
Aniya, ang nawawala umanong probisyon ay nasa ibang parte ng GCTA partikular na sa section 3 rule 4.
Dagdag pa nito, binalikan niya ang IRR at nakitang kwestyonble ang mga alegasyong ibinibintang hinggil sa hindi pagkakatugma nito sa mismong batas.
Matatandaang ipinahayag ni Roxas hindi siya kasama sa mga direktang gumawa ng IRR ng GCTA.
