Sugatan ang dalawang sundalo sa nangyaring pagsabog sa Rajah Buayan, Maguindanao.
Kinilala ang mga sugatang sundalo na sina Private First Class Narciso Monreal at Sergeant Archie Dema-ala.
Batay sa ulat, nagsasagawa ng security operations ang mga miyembro ng 57th infantry battalion sa Barangay Bakat nang sumabog ang isang improvised explosive device.
Agad namang isinugod sa Camp Siongco Station Hospital ang dalawang nasugatang sundalo at kasalukuyang nasa ligtas nang kalagayan.
Samantala, isa pang IED ang sumabog sa bahagi ng Barangay Brar, bayan ng Datu Anggal Midtimbang sa Maguindanao kung saan wala namang napaulat na sugatan.
Habang isang hindi pa sumasabog na bomba ang natagpuan naman sa kalapit na lugar.
