Binalikan ng Pangulong Rodrigo Duterte si Senador Richard Gordon sa isyu nang pagkakatalaga ng ilang retired military officials sa gobyerno.
Sa kaniyang talumpati sa 28th anniversary ng Bureau of Fire Protection, sinabi ng pangulo na mas dapat maging concern si Gordon sa pagpapaliit ng kaniyang tiyan.
Inihayag ng pangulo na ang utak ni Gordon ay napunta sa tiyan nito.
Kung nais aniyang maging pangulo ni Gordon ay tumakbo itong pangulo subalit nakikita niyang hanggang senador na lamang ito.
Ayon pa sa pangulo, sa halip na punahin siya sa pagtatalaga ng mga opisyal sa gobyerno, dapat na ayusin na lamang ni Gordon ang kaniyang paglalakad na katulad aniya ng isang penguin.
