Hindi pa maituturing na security threat ni Senate President Tito Sotto ang pagdagsa ng mga Chinese national sa ating bansa.
Ayon kay Sotto, ang pagdagsa ng mga dayuhan sa bansa ay malaking tulong sa tourism industry.
Aniya, mas makabubuti ipatupad ang formula o suhestyun ni foreign affairs Sec Teddy Boy Locsin na itigil na ang policy na nag-iisyu lang ng visa pagdating dito sa ating bansa sa ganitong paraan ay mapipigilan ang pagpasok sa bansa ng mga dayuhan na magdudulot ng banta sa seguridad ng bansa.
Una rito, inamin ni National Security Adviser Hermogenes Esperon na ikinukunsidera n’ya na banta sa ating seguridad ang pagdagsa ng mga chinese national dahil sa hindi malinaw ang intensiyon ng mga ito.
