Patuloy na pinag-iingat ng Phivolcs ang publiko sa paligid ng Bulkang Taal sa Batangas kahit ibinaba na sa level 2 ang alert status nito.
Ayon sa Phivolcs, nagbabanta pa rin ang steam-driven o phreatic explosion, volcanic earthquake, bahagyang abo at pagbuga ng volcanic gas sa Volcano Island.
Sa nakalipas na isang araw, nakapagtala na ng 33 volcanic quakes na tumagal ng isa hanggang 26 na minuto.
Mayroon ding mahinang pagsingaw na may taas na 50 meters mula sa gas vents ang naganap sa main crater at pagbuga ng asupre na may 3,397 tons kada araw. — sa panulat ni Drew Nacino.
