Sumampa na sa siyam (9) ang bilang ng mga nasawi matapos ang nangyaring magkakasunod na lindol na tumama sa Itbayat, Batanes nitong Sabado.
Ayon kay Itbayat Mayor Raul De Sagun, tinatayang nasa 63 ang nasugatan.
Nasa mahigit 800 pamilya o 2,000 residente pa ng Itbayat ang nananatiling nasa plaza at hindi pa rin binibigyan ng go-signal upang magbalik sa kanilang mga tahanan dahil sa patuloy na assessment na ginagawa ng DPWH.
Samantala, batay sa ulat ng National Disaster Risk Reduction and Management Council (NDRRMC), umabot nsa P47-B ang halaga ng damage na dulot ng magkakasunod na lindol sa naturang bayan.
