Patay ang lahat ng 12 sakay ng isang eroplano matapos itong mag-crash sa Colombia.
Ayon sa Colombia Civil Defense, patungong Villavicencio mula San Jose Del Guaviare ang eroplano nang mag-emergency call ito sa Civil Aviation Authority pasado alas diyes kuwarenta ng umaga, oras sa nasabing bansa.
Natagpuan ng mga otoridad ang crash site sa bahagi ng La Bendicion malapit sa Villavicencio Colombia.
Patuloy namang inaalam ng mga otoridad ang pagkakakilalanlan ng mga nasawi gayundin ang dahilan ng pagbasak ng eroplano.
