Sugatan ang tatlong sundalo at dalawang sibilyan matapos maaksidente ang sinasakyan nilang pampasaherong van sa Lope de Vega, Northern Samar.
Kinilala ang mga sugatang sundalo na sina Private Jeffrey Samulde, Kenneth Sagun at Mark Kevin Frigillana habang inaalam pa ang pagkakakilanlan ng dalawang sibilyan.
Batay sa inisyal na imbestigasyon ng pulisya, nawalan ng kontrol ang driver ng van habang binabagtas ang kahabaan ng kalsada sa bahagi ng Barangay Magsaysay.
Patuloy namang iniimbestigahan ng mga awtoridad ang insidente.
—-
