Itinakda na ng Senate Electoral Tribunal (SET) ang oral arguments kaugnay ng disqualification case laban kay Senator Grace Poe.
Ito ay sa pamumuno ni Senior Associate Justice Antonio T. Carpio.
Sa abiso ng Korte Suprema, isasagawa ang oral arguments sa kasong isinampa ni Rizalito David sa Setyembre 21, alas-2:00 ng hapon sa Supreme Court en banc session hall.
Sa unang pagkakataon, magiging bukas sa publiko ang pagdinig, at mapapakinggan ito sa live audio streaming.
Isasagawa naman ngayong araw ang preliminary conference sa Korte Suprema subalit hindi ito bukas sa publiko.
Gayunpaman, magbibigay pa rin umano ng update ang SET kaugnay nito.
Tutukuyin sa preliminary conference ang magiging direksyon ng kaso at mga isyung dapat resolbahin.
By Mariboy Ysibido
