Magsasagawa ng pagdinig sa susunod na linggo ang Commission on Elections o Comelec para matukoy kung sino ang legitimate o orihinal na myembro sa PDP-Laban.
Ayon kay Comelec Chairman Sheriff Abas, iaanunsiyo nila kung sino ang tatanggapin ng kanilang ahensya sa paghahain ng Certificate of Candidacy o c-o-c sa ilalim ng PDP-Laban.
Nabatid na naghian ng petisyon ang PDP-Laban faction na pinangungunahan ni Energy Secretary Alfonso Cusi kung saan ipinadedeklarang illegal representative sina Senator Manny Pacquiao at Aquilino Pimentel III.
Nanindigan naman ang grupo ni Senator Pacquiao na sila ang lehitimo o orihinal na grupo ng PDP-Laban. — Sa panulat ni Angelica Doctolero
