Sugatan ang mahigit 11 na crew matapos bumangga at sumadsad sa South China Sea ang isang US Nuclear submarine.
Nabatid na nangyari ang insidente dahil sa tensyon kasunod na rin nang incursions o pag-atake ng Chinese sa Taiwan’s air defence zone.
Hindi naman nagbigay ng detalye ang US defense official pero ayon sa spokesperson ng US Navy, patuloy pa nilang iniimbestigahan ang dahilan ng pagbangga at pagkasira ng US submarine.
Sa ngayon, nananatiling fully operational ang bumangga na US submarines na patungong port ng Guam. — Sa panulat ni Angelica Doctolero