Walang naitalang krimen ang pambansang pulisya sa buong bansa sa kasagsagan ng Bagyong Ompong sa nakalipas na magdamag.
Ayon iyan kay PNP Chief Dir/Gen. Oscar Albayalde kung saan inihalintulad niya sa laban ni People’s Champ Manny Pacquiao ang sitwasyon ng peace and order sa bansa.
Sa kasalukuyan, mayroong mahigit 4,678 search and rescue teams na nakakalat sa mga lugar na sinalanta ng bagyo.
Habang ang 6,887 pulis naman ang ipinakalat para panatilihin ang kaayusan at kapayapaan sa iba’t ibang regional offices partikular na sa mga evacuation centers.
