Nauna nang bumiyahe sa Israel si Labor Secretary Silvestre Bello III bago ang pagbisita ni Pangulong Rodrigo Duterte sa nasabing bansa.
Ito’y upang ihanda ang bilateral agreement para sa proteksyon ng mga Overseas Filipino Worker na lalagdaan ni Pangulong Duterte.
Ayon kay Bello, posibleng i-batay nila ang ilang nilalaman ng naturang kasunduan sa memorandum of agreement ng Pilipinas at Kuwait.
Nakatakdang bumisita si Pangulong Duterte sa Israel sa Setyembre 2 hanggang 5 bilang tugon sa imbitasyon ni Israeli Prime Minister Benjamin Netanyahu.
—-
