Dalawa ang patay matapos madaganan ng trailer truck na nahulog sa Zamora Bridge sa Pandacan, Maynila.
Dead on the spot ang 70 taong gulang na si Danilo Baltazar habang napitpit sa ilalim ng truck ang kaniyang apong si John Dave, walong taong gulang.
Ilang oras naipit ang bata sa truck bago tuluyang na-i-angat ang sasakyan sa tulong ng crane subalit wala ng buhay nang mahugot.
Naipit din ang kapitbahay ng mag-lolo na si Clarita Sarias na kasalukuyang ginagamot sa ospital habang sugatan din sa insidente ang driver ng trak na si Reinaldo Acosta at pahinanteng si Herman Pider.
Nawalan umano ng preno ang truck dahilan upang mahulog ito mula sa tulay at bumagsak sa mga barung-barong.
Iniimbestigahan na ng Manila Police District ang pananagutan ng driver sa insidente.
Ulat ni Aya Yupangco
SMW: RPE
