Pinaghahandaan na ng Armed Forces of the Philippines o AFP ang paglulunsad ng massive information campaign ngayong nalagdaan na ni Pangulong Rodrigo Duterte ang Bangsamoro Organic Law o BOL.
Ito ay para sa nakatakdang plebesito sa darating na Nobyembre.
Ayon kay Army 6th Infantry Division Commander Major General Cirilito Sobejana, ngayon pa lang ay pinag-uusapan na nila ang information dissemination para maipaalam sa mga taga-Mindanao ang probisyon ng batas.
Giit ni Sobejana, mahalaga na malinaw sa lahat ang nilalaman ng BOL bago ito pagbotohan ng mga taga-Mindanao sa pamamagitan ng isang plebisito.
—-
