Bahagyang naantala ang operasyon ng Metro Rail Transit-Line 3 kahapon makaraang makita ang isang plastic bag na nakapulupot sa isa sa mga messenger wires nito.
Ayon sa pamunuan ng MRT-3, nakita ang plastic bag sa southbound lane na nasa pagitan ng Santolan at Ortigas Avenue pasado alas-2:00 kahapon ng hapon.
Gayunman, nilinaw ni Aly Narvaes, Media Relations Officer ng MRT-3 na wala namang naging insidente ng pagpapa-baba ng pasahero at hindi rin aniya sila nagpatupad ng provisional service.
Pero aminado si Narvaez na nagkaroon ng delay sa biyahe ng mga tren dahil kinailngan munang alisin ang naturang plastic bag bago tuluyang magbalik-normal ang operasyon.
