Mahigit 400 truck ng basura ang nahakot ng Metro Manila Development Authority (MMDA) sa iba’t ibang estero sa Maynila sa loob lamang ng 10 araw.
Batay sa tala ng Flood Control and Sewerage Management Program ng MMDA, kabuuang 432 trak ng basura ang kanilang nakolekta mula nuong May 31 hanggang June 7 matapos ang declogging operations sa Estero de Magdalena, Estero de Maypajo, Tunasan Creek at Hagonoy River.
Ayon MMDA, mabilis ang pagdami ng basura sa mga estero na nagmumula sa mga informal settler, palengke at mga ospital.
Kaugnay nito, tiniyak ng MMDA ang tuloy-tuloy nilang paglilinis sa mga estero upang hindi na magdulot pa ng pagbaha.
—-
