Muling niyanig ng tambalang AlDub ang mundo ng social media.
Ito’y matapos makapagtala ng record breaking na 5 million tweets gamit ang hashtag na Aldub battle for a cause.
Binasag nito ang hashtag Aldub maiden heaven na nakapagtala ng 3.6 million tweets na siyang bumasag naman sa hashtag papal visit noong Enero na nakapagtala ng 3.34 million tweets.
Agad namang nagpaabot ng pasasalamat sina Alden at Maine Mendoza o Yaya Dub dahil sa panibagong record na naitala ng kanilang love team.
Bukod sa Aldub, nagpasalamat din sa mga netizens at sa publiko ang entertainment guru na si Joey de Leon gayundin ang isa pang henyong si Michael V.
By: Jaymark Dagala
