Aminado ang aktres na si Ara Mina na masaya siya na si Sunshine Cruz ngayon ang kasintahan ng kanyang kapatid na si Macky Mathay.
Matagal na kasing magkaibigan sina Sunshine at Ara kaya masayang-masaya raw ito nang maging magkasintahan ang dalawa.
Wala naman daw kasing karelasyon si Macky at isa pa, wala rin silang magagawa kung nagkakagustuhan sila.
Nananatili namang magkaibigan si Ara at ang dating kasintahan na si Patrick Meneses.
Sinasabing regular pa rin naman silang nagkikita ni Patrick para sa kanilang anak.
Nais din kasi ng aktres na maging mabuting magkaibigan talaga sila ni Patrick para na rin sa kapakanan at kinabukasan ng bata.
By Jelbert Perdez
