Sinuspendi na ng Grab Philippines ang inirereklamong driver na nagpapakansela ng booking trip sa kanyang pasahero.
Ayon kay Grab Philippines Country Head Brian Cu, hindi na nila papayagang makapag-drive pa muli sa Grab ang nasabing driver.
Tiniyak pa ni Cu na patuloy ang kanilang mga ginagawang hakbang para masawata ang mga Grab drivers na madalas magkansela ng trip.
Umaasa naman si Cu na mauunawaan ng kanilang mga partner drivers na malaki at may pangkalahatang epekto sa Grab ang nasabing gawain.
Kasabay nito, nakiusap naman si Cu sa mga tumatangkilik sa Grab na huwag i-generalize ang lahat ng kanilang partner drivers sa insidente dahil marami aniya sa mga ito ang mabuti at propesyunal.
