Handa ang Philippine National Police na isapubliko ang detalye ng kampaniya kontra iligal na droga kung ito ay bibigyan ng basbas ni Pangulong Rodrigo Duterte.
Ayon kay PNP Chief Oscar Albayalde, naka depende sa direktiba ni Pangulong Duterte kung kanya bang isusumite o hindi ang lahat ng record sa mga anti drug operations sa korte suprema.
Paliwanag ni Albayalde, kahit walang utos ang korte ay maaari itong isapubliko ng pangulo ayon sa kanyang pasya.
Gayunman, naniniwala si Solicitor General Jose Calida na maaaring malagay sa alanganin ang national security sa oras na maisapubliko ang naturang datos.
