Apektado na rin ng mataas na antas ng fecal coliform ang ilang karagatan sa Visayas.
Batay sa pagsusuri ng EMB o Environmental Management Bureau sa Central Visayas, tinukoy nito ang mga karagan ng Mactan island sa Cebu at ang Panglao island sa Bohol.
Ayon kay EMB Central Visayas Director William Cuniado, umaabot sa 100 hanggang 200 mpn o most probable number ang fecal coliform sa Panglao habang nasa 180 hanggang 250 mpn sa Mactan.
Ang nasabing antas ay higit pa sa acceptable concentration na 100 mpn per 100 milliliters na kinukunsiderang safe o ligtas para sa mga nais maligo o mag-swimming.
Sinabi ni Cuniado na ang kontaminasyon ay dahil sa kapabayaan at hindi pagtupad sa wastewater treatment at sewage disposal system ng mga resort na naglipana sa nasabing tourist destinations.
Nag-isyu na aniya sila ng notices of violation sa 37 hotel at resorts sa Mactan at 300 hotel at resort sa Panglao.
