Engaged na ang singer-actress na si Aicelle Santos sa kanyang fiance na news reporter na si Mark Zambrano.
Naganap ang proposal sa Straight Up Roof deck Bar sa Seda Vertis North sa Quezon City.
A post shared by Mark Zambrano (@markzambrano) on
Ang alam ni Aicelle ay naroon siya para mag-perform para sa isang birthday event.
Ngunit biglang may nag-flash sa monitor na larawan nila ni Mark.
Doon na rin niya nakita ang kasintahan na may dalang sunflower at saka nag-propose sa harap ng kanilang pamilya.
Disyembre ng nakaraang taon lang ay inamin ng dalawa na napag-uusapan na nila ang kasal, lalo na ngayong nasa “marrying age” na ang dalawa.
Dalawang taon naging magkarelasyon ang dalawa bago ma-engaged.
Samantala, kamakailan rin ay inanunsyo na si Aicelle ang gaganap bilang “Gigi” sa UK production ng Miss Saigon.
—-
