Hindi na nakapagpigil at sinagot ng komediyanteng si Vice Ganda ang naging komento ng mga netizen hinggil sa naging looks at hairstyle ng vlogger at actress-model na si Ivana Alawi.
Ito’y matapos ilabas ang teaser ng pelikulang “Partners in Crime” na pinagbidahan nina Vice at Ivana sa ilalim ng Star Cinema.
Nabatid na umani ng ibat-ibang reaksiyon sa publiko ang naging role ni Ivana kung saan, kayumanggi ang kulay ng balat at kulot ang mga buhok nito.
Ayon sa komediyante, walang naging mali sa pagiging kulot at pagkakaroon ng kayumangging balat kundi ang mali, ay ang baluktot na pananaw at pagiging negatibo ng mga tao.
Dahil dito, nagbigay ng payo si Vice na huwag masyadong stress-sin ang sarili at enjoy-in nalang ang panonood sa pelikulang Pilipino.
