14 katao kabilang ang tatlong bata ang patay habang 15 ang sugatan sa pagbagsak ng isang helicopter sa Oaxaca state, Mexico.
Kabilang sa mga government official na lulan ng helicopter sina Mexican interior minister Alfonso Navarrete Prida at Oaxaca Governor Alejandro Murat na nakaligtas at hindi nagtamo ng anumang sugat sa katawan.
Karamihan sa mga biktima ay nasa “ground” nang mawalan ng kontrol ang piloto ng helicopter habang papalapag.
Nagsasagawa ng survey ang mga opisyal ng pinsalang idinulot ng magnitude 7.2 na lindol na tumama sa naturang lugar.
