Asahan na umano sa mga susunod na araw na madadagdagan na ang bilang ng mga bagon sa Metro Rail Transit o MRT-3
Ito’y matapos magsimula nang dumating ang mga spare parts ng MRT-3 ngayong buwan.
Ayon kay Aly Narvaez, Media Relations Officer ng MRT-3, bagaman paunti-unti ang pagdating ng mga spare parts na magsasaayos sa MRT ay susubakan na nilang iparamdam sa publiko ang pagbabago sa operasyon nito.
Magugunitang simula noong Enero ay pababa ang bilang ng mga bagon mula sa average na dose na naging walo hanggang pito.
Malayo ito sa dating 20 tren kung saan nakakapagsakay ng higit sa kalahating milyong pasahero sa isang araw.
—-
