Dumating na sa bansa ang ikaapat na batch ng mga Overseas Filipino Workers mula sa bansang Kuwait.
Base sa impormasyon mula sa Ninoy Aquino International Airport o NAIA, ganap na ala-6:30 kaninang umaga nang lumapag sa paliparan ang Philippine Airlines flight PR 669 lulan ang 25 OFW’s.
Patuloy ang pag-uwi sa bansa ng mga OFW’s kasunod ng ipinatupad na deployment ban ng Department of Labor and Employment o DOLE bilang tugon sa kautusan ni Pangulong Rodrigo Duterte na itigil na ang pagpapadala ng mga Pilipinong manggagawa sa Kuwait.
Nag-ugat ang direktiba ng Pangulo matapos makatanggap ng mga ulat na ilang OFW’s na ang misteryosong nasawi sa nasabing bansa.
Posted by: Robert Eugenio
