Welcome sa National Food Authority o NFA ang plano ng Kamara na imebstigahan ang isyu ng kakulangan ng bigas at iba pang mga problema na kinakaharap ng ahensya.
Ayon kay NFA Region 3 Director Rex Estoperez, isang magandang hakbang ang ipinatawag na inquiry ng Kongreso upang malaman kung nagkaroon talaga ng anumalya sa suplay ng bigas.
Malalaman rin aniya dito kung may mga dapat na baguhin sa mandato ng NFA na nakasaad sa ating saligang batas.
Samantala, naniniwala naman si Estoperez, na ang talamak na rice smuggling ang dapat na mabusisi ng maigi ng mga mambabatas at hindi ang sinasabi ni Sen. Grace Poe na sabwatan ng mga sindikato sa loob ng NFA.
Posted by: Robert Eugenio