Ikinatuwa ng PNP o Philippine National Police ang pasya ng Korte Suprema na pagtibayin ang pag-aapruba ng Kongreso sa pagpapalawig ng idineklarang martial law sa Mindanao.
Ayon kay PNP Spokesman C/Supt. John Bulalacao, tiyak na maipagpapatuloy nila ang pagpapanatili sa peace and order sa buong Mindanao.
Tuluy-tuloy din aniya ang panghihikayat ng iba’t ibang teroristang grupo sa rehiyon para umanib sa kanila at mangalap ng suporta para sa kanilang adhikain.
Kaugnay nito, sinabi ni Bulalacao na nananatiling naka-full alert ang pulisya sa Mindanao dahil sa pag-iral pa rin ng martial law na tatagal hanggang sa huling araw ng taong ito.
Ulat ni DWIZ Patrol Reporter Jonathan Andal
Posted by: Robert Eugenio
