Nagbabala ang Malakaniyang sa lahat ng mga kritiko ng Administrasyong Duterte na mag-ingat sa kanilang paninira lalo na’t kung wala namang matibay na mga batayan at ebidensya.
Ito ang inihayag ng Palasyo kasunod ng pagsusulong ni Senador Antonio Trillanes IV na imbestigahan at busisiin ang lahat ng bank accounts gayundin ang mga umano’y tagong yaman ng mag-amang Pangulong Rodrigo Duterte at Davao Mayor Sarah Duterte – Carpio.
Ayon kay Presidential Spokesman Harry Roque, hindi aniya malayong bumaliktad ang panahon dahil baka ang taumbayan na ang magalit sa mga propaganda kontra sa Pangulo.
Malinaw aniyang sa kabila ng mga akusasyon laban sa Pangulo, nananatiling mataas ang kumpiyansa maging ang tiwala ng publiko sa administrasyon bagay na lalo aniyang nagpapainit sa ulo ng mga kritiko.
Ulat ni DWIZ Patrol Reporter Jopel Pelenio
Posted by: Robert Eugenio
