Nagkaayos na ang loveteam na sina James Reid, Nadine Lustre at nakairingang si Direk Antoinette Jadaone.
Nagkaroon umano ng meeting ang mga artista at production sa likod ng “Never Not Love You” ng Viva films kamakailan.
Dito ay nagkaroon anila ng pag uusap ang JaDine loveteam at Direk Jadaone kasunod ng kanilang hindi pagkakaunawaan.
Ngayong araw ay lumipad na ang cast at production sa London kung saan kukunan ang maraming eksena.
Matatandaang ipinahayag ng lady director ang kanilang reklamo dahil umano sa sunod – sunod na delay ng kanilang shooting.
Bagama’t hindi nito tinukoy ang JaDine sa patutsada ng direktor ay agad naman itong sinagot ni Nadine kung saan sinabi nitong mayroon siyang sakit kaya hindi makapag shoot ng pelikula.
