Nawawala ngayon ang Star Image talent na si Xander Ford.
Sa isang Facebook post, inanunsyo ng Star Image na nakansela ang dapat sana’y appearances ni Xander Ford sa Higantes Festival sa Angono Rizal at opening ng isang department store sa Sta. Cruz, Laguna dahil sa biglaang pagkawala nito.
Sinasabing huling nakita si Xander sa Sunny Brook 2 Subdivision sa General Trias, Cavite hatinggabi ng November 23.
Sa update na ibinigay ng Star Image, itinatago umano ng isang “Emz” ang binata sa isang pribadong lugar sa Paliparan, Cavite.
Nagbanta naman ang talent agency nito na gagawin nila ang lahat ng ligal na aksyon para mahanap si Xander Ford.
Samantala sa isa namang Facebook video ay pinabulaanan mismo ni Xander Ford na siya’y nawawala.
—-
