Hataw sa commercials ang loveteam ng AlDub.
Hindi pa man naipapalabas ang ikatlong commercial nina Alden Richards at Maine Mendoza aka Yaya Dub ay ipinalabas na ang part 2 ng kanilang unang commercial para sa isang kilalang food chain.
Umere na kanina bago ang inaabangang kalyeserye ng Eat Bulaga ang nasabing 90-seconder commercial nang ngayo’y itinuturing na most bankable loveteam.
Sinasabing para sa isang kilalang softdrinks brand ang ikatlo at susunod na commercial ng AlDub.
Magugunitang nag-break ng sarili nilang record ang AlDub noong Sabado nang maitala ang 25. 6 million tweets sa episode na akyat ligaw ni Alden kay Maine sa mansyon ni Lola Nidora.
Ito ang kauna-unahang bonggang paglalapit nina Alden at Maine na naghahatid ng super kilig moments para sa young at heart at not so young at heart tuwing umeere sa kalyeserye mula Lunes hanggang Biyernes.
By Judith Larino