Mananatili sa kaniyang puwesto bilang kalihim ng DOTR o Department of Transportation si Secretary Art Tugade ayon mismo kay Pangulong Rodrigo Duterte.
Kinumpirma iyan ng Pangulo sa harap na rin ng mga panawagan nila Magdalo Rep. Gary Alejano at Anak Pawis Rep. Ariel Casilao na magbitiw o sibakin na sa puwesto si Tugade sa harap na rin ng mga aberya sa MRT Line 3.
Giit ng Pangulo, may umiiral na krisis sa sektor ng transporasyon sa bansa kaya’t hindi niya hahayaang madiskaril ito sa pamamagitan ng pagsibak sa mga alam niyang makatutulong sa pagresolba ng problema.
Ganito rin ang naging pahayag ni Presidential Spokesman Harry Roque na sa kabila ng mga problema sa transportasyon, nananatili pa rin ang tiwala ng Pangulo kay Tugade.
